Foundation Courses- Level 1 ASAP Programme is of 300 – 330 hours duration, out of which 180 hours are devoted to Foundation Course that contains modules on communication skills in English and information technology. The other 120-150 hours are devoted to the skill sector chosen by the student for specialization. The focus of the foundation course is to develop soft skills that are essential to work efficiently in a corporate environment.Contact asapwayanad@gmail.com

Monday 25 May 2020

ഐഫോണ്‍ അണ്‍ലോക്ക് ചെയ്യാന്‍ 'ജെയില്‍ ബ്രേക്ക് ടൂള്‍' പുറത്തിറക്കി ഹാക്കര്‍മാർ

സാൻഫ്രാൻസിസ്കോ: ഐഫോൺ സോഫ്റ്റ് വെയറിലെ നിയന്ത്രണങ്ങൾ മറികടക്കാൻ ജയിൽ ബ്രേക്ക് ടൂൾ പുറത്തിറക്കി ഹാക്കർ സംഘം. ഇതുവഴി ഏറ്റവും പുതിയ ഐഓഎസ് ഉപയോഗിക്കുന്ന ഉപയോക്താക്കൾക്കും അവർക്ക് ഇഷ്ടമുള്ള ഏത് സോഫ്റ്റ് വെയറും ഫോണിൽ ഇൻസ്റ്റാൾ ചെയ്യാൻ സാധിക്കും. അംഗീകാരമില്ലാത്ത ആപ്ലിക്കേഷനുകളും കസ്റ്റമൈസേഷനുകളും ഫോണിൽ ഇൻസ്റ്റാൾ ചെയ്യുന്നതിന് ഐഓഎസിൽ വിലക്കുണ്ട്. ഈ നിയന്ത്രണം മറികടക്കുന്നതിനാണ് ഹാക്കർമാർ ജയിൽ ബ്രേക്ക് ടൂൾ കഷ്ടപ്പെട്ട് നിർമിച്ചിരിക്കുന്നത്. അൺകവർ (Unc0ver) ടീം പുറത്തിറക്കിയ ഏറ്റവും പുതിയ ഉപകരണം, ഐഓഎസ് 11 ഉം അതിനുമുകളിലുള്ള ഇപ്പോൾ പുറത്തിറങ്ങിയ ഐഓഎസ് 13.5 ഉൾപ്പെടെയുള്ള ഓഎസുകളിലുള്ള എല്ലാ ഐഫോണുകളിലും പ്രവർത്തിക്കുമെന്ന് ടെക്ക് ക്രഞ്ച് ശനിയാഴ്ച റിപ്പോർട്ട് ചെയ്തു. എന്നാൽ പ്രശ്നങ്ങൾ പരിഹരിച്ച് ജയിൽ ബ്രേക്ക് ടൂൾ നശിപ്പിക്കാൻ ആപ്പിൾ അതിവേഗം ശ്രമിക്കുന്നതിനാൽ. ഇത് അധികകാലം പ്രവർത്തിക്കുമെന്ന് പറയാൻ കഴിയില്ല. അതേസമയം ഐഓഎസിലെ എത് പഴുത് ദുരുപയോഗം ചെയ്താണ് ഹാക്കർമാർ ജയിൽ ബ്രേക്ക് നിർമിച്ചത് എന്ന് വ്യക്തമല്ല. അത്തരം ഉപകരണങ്ങൾ ഉപയോഗിക്കുന്നതിനെതിരെ ഐഫോൺ ഉപയോക്താക്കൾക്ക് സുരക്ഷാ വിദഗ്ധർ മുന്നറിയിപ്പ് നൽകുന്നുണ്ട്. കാരണം അവരുടെ ഉപകരണങ്ങൾ മറ്റ് ബഗുകൾക്ക് ഇരയാക്കാം.

Friday 22 May 2020

Google lense

★ കുട്ടികൾക്ക് വേണ്ടിയും കണക്ക് ചെയ്ത് കഷ്ടപ്പെടുന്ന ടീച്ചേഴ്സിനും വേണ്ടി ഗൂഗിൾ ലെൻസ് പുതിയ അപ്‌ഡേറ്റ് കൊണ്ട് വന്നിരിക്കുന്നു. Education Mode എന്നാണ് പേര് ഇട്ടിരിക്കുന്നത്. തൽകാലം മാത്‌സ് പ്രോബ്ലെം സോളവ് ചെയ്യാൻ മാത്രം ആണ് ഇത് ക്രമീകരിച്ചിരിക്കുന്നത്. 

★മറ്റൊരു അപ്ഡേറ്റ് കൂടി വരുന്നത് ഓഫ്‌ലൈനിലും വാക്കുകൾ ട്രാൻസ്ലേറ്റ് ചെയ്യാൻ ഗൂഗിൾ ലെൻസ് ഉപയോഗിക്കാം. അതായത് ആരെങ്കിലും അറിയാത്ത ഭാഷയിൽ ഉള്ള ബുക്ക് കൊണ്ടുവന്ന് തന്നിട്ട് വായിച്ചോ നല്ലതാ എന്നു പറഞ്ഞ കുടുങ്ങിയില്ലേ അങ്ങനെ ഉള്ള സമയത്തു നെറ്റ് ഓഫർ കൂടി ഇല്ലെങ്കിൽ തൃപ്തി ആയി. അപ്പോഴാണ് നമ്മുടെ താരത്തിനെ ഉപകാരപ്പെടുക, ഗൂഗിൾ ലെൻസ് തുറക്കുക എന്നിട്ട് ആ അറിയാൻ പാടില്ലാത്ത വാക്കുകൾ ഒക്കെ കാണിച്ചു കൊടുക്കുക.....സംഗതി ക്ലീൻ......ആകെ ഉള്ള പ്രശനം Offline Language pack നമ്മുടെ ഫോണിൽ വേണം എന്നതാണ്.....

വാട്‌സാപ്പ് വെബ് എന്ത് ? -കമ്പ്യൂട്ടറില്‍ വാട്‌സാപ്പ് ഉപയോഗിക്കുന്നത് എങ്ങനെയെന്നറിയാം


വാട്‌സാപ്പ് ആപ്ലിക്കേഷന്റെ ഡസ്‌ക്ടോപ്പ് കമ്പ്യൂട്ടറില്‍ ഉപയോഗിക്കാന്‍ സാധിക്കുന്ന പതിപ്പാണ് വാട്‌സാപ്പ് വെബ്ബ്. 2015 ലാണ് ഇത് അവതരിപ്പിക്കുന്നത്. അതിവേഗം വളരെ എളുപ്പത്തില്‍ ചിത്രങ്ങളും, വീഡിയോകളും ഡോക്യുമെന്റുകളും കൈമാറാം എന്നുള്ളതാണ് ഇതിന്റെ പ്രധാന സവിശേഷത. ഒരേസമയം സൗഹൃദ സംഭാഷണങ്ങള്‍ക്കും ഔദ്യോഗിക ആശയവിനിമയങ്ങള്‍ക്കും വാട്‌സാപ്പ് പ്രയോജനപ്പെടുത്താന്‍ വാട്‌സാപ്പ് വെബിലൂടെ സാധിക്കും. 
വാട്‌സാപ്പ് മൊബൈല്‍ ആപ്ലിക്കേഷനിലെ ഡാറ്റ അതേപടി ഡെസ്‌ക്ടോപ്പില്‍ കാണിക്കുകയാണ് ചെയ്യുന്നത്. മൊബൈല്‍ ആപ്ലിക്കേഷന്റെ ഒരു എക്സ്റ്റന്‍ഷന്‍ എന്ന നിലയിലാണ് വാട്‌സാപ്പ് വെബ് പ്രവര്‍ത്തിക്കുന്നത്. ഇത് എങ്ങനെ ഉപയോഗിക്കാം എന്ന് നോക്കാം. 
ഗൂഗിള്‍ ക്രോം ഉള്‍പ്പടെയുള്ള ബ്രൗസറുകളില്‍ പ്രവര്‍ത്തിക്കുന്ന ബ്രൗസര്‍ അധിഷ്ടിത ആപ്ലിക്കേഷനായ വാട്‌സാപ്പ് വെബ് അല്ലെങ്കില്‍ വാട്‌സാപ്പ് ഡെസ്‌ക്ടോപ്പ് ആപ്ലിക്കേഷനോ ഉപയോഗിച്ച് നിങ്ങള്‍ക്ക് വാട്‌സാപ്പ്  കംപ്യൂട്ടറില്‍ ഉപയോഗിക്കാനാവും. ഡെസ്‌ക്ടോപ്പ് ആപ്ലിക്കേഷന്‍ ഡൗണ്‍്‌ലോഡ് ചെയ്താല്‍ ഓരോ തവണയും ബ്രൗസര്‍ തുറക്കേണ്ടിവരുന്നക് ഒഴിവാക്കാം.
നിങ്ങളുടെ മൊബൈല്‍ വാട്‌സാപ്പ് ആപ്ലിക്കേഷനില്‍ വരുന്ന സന്ദേശങ്ങളെല്ലാം തത്സമയം വാട്‌സാപ്പ് വെബിലും ലഭിക്കും. അതിനാല്‍ ഫോണില്‍ എപ്പോഴും ഡാറ്റ ഓണ്‍ ആയിരിക്കണം. 
വാട്‌സാപ്പ് വെബ് ഉപയോഗിക്കാന്‍ മൊബൈല്‍ ആപ്പിലെ വലത് ഭാഗത്ത് മുകളിലുള്ള ത്രീ ഡോട്ട് മെനു തുറന്ന്. അതിലെ വാട്‌സാപ്പ് വെബ് എന്നത് തിരഞ്ഞെടുക്കുക. അപ്പോള്‍ ഒരു ക്യുആര്‍ കോഡ് സ്‌കാനര്‍ തുറന്നുവരും. 
കംപ്യൂട്ടറില്‍ വാട്‌സാപ്പ് വെബ് തുറന്നാല്‍ ഒരു ക്യുആര്‍ കോഡ് കാണം. മൊബൈല്‍ ആപ്പിലെ സ്‌കാനര്‍ ഉപയോഗിച്ച് അത് സ്‌കാന്‍ ചെയ്യുക. അതോടെ നിങ്ങളുടെ വാട്‌സാപ്പ് ആപ്ലിക്കേഷന്‍ വാട്‌സാപ്പ് വെബുമായി ബന്ധപ്പെട്ടിട്ടുണ്ടാവും. 
ഈ ലോഗിന്‍ നടപടി പൂര്‍ണ സുരക്ഷിതമാണെന്നും വാട്‌സാപ്പ് വെബ് വഴിയുള്ള ചാറ്റും എന്റ് റ്റു എന്റ് എന്‍ക്രിപ്റ്റഡ് ആണെന്നും വാട്‌സാപ്പ് ഉറപ്പ് നല്‍കുന്നുണ്ട്. മാത്രവുമല്ല വാട്‌സാപ്പ് വെബ് ഉപയോഗിച്ചാണ് ചാറ്റ് ചെയ്യുന്നത് എന്ന് മറുപുറത്തുള്ള ആള്‍ക്ക് മനസിലാവുകയുമില്ല. 
മൊബൈലിലെ ചെറിയ സക്രീന്‍ അത്ര സുഖകരമല്ലാത്തവര്‍ക്കും കംപ്യൂട്ടര്‍ കീബോഡ് ഉപയോഗിച്ച് ശീലിച്ചവര്‍ക്കും ഉപകാരപ്രദമാണ് വാട്‌സാപ്പ് വെബ്. ചിത്രങ്ങളും, വീഡിയോകളും, ഡോക്യുമെന്റുകളും വലിയ സ്‌ക്രീനില്‍ കാണാം എന്നതാണ് ഇതിന്റെ നേട്ടം. 
മൊബൈല്‍ ആപ്ലിക്കേഷനിലെ പോലെ വരുന്ന ചിത്രങ്ങളും വീഡിയോകളും മറ്റ് ഫയലുകളും ഓട്ടോമാറ്റിക് ആയി കംപ്യൂട്ടറില്‍ ശേഖരിക്കപ്പെടില്ല. വാട്‌സാപ്പ് വെബില്‍ ചിത്രങ്ങള്‍ തുറന്നാലും അത് ഡൗണ്‍ലോഡ് ചെയ്‌തെങ്കില്‍ മാത്രമേ കംപ്യൂട്ടറിലേക്ക് ശേഖരിക്കപ്പെടുകയുള്ളൂ. അതുകൊണ്ട് ഓഫീസിലും മറ്റുമുള്ള കംപ്യൂട്ടറുകളില്‍ വാട്‌സാപ്പ് വെബ് ആശ്വാസത്തോടെ ഉപയോഗിക്കാം. 
സ്റ്റാറ്റ്‌സ് അപ്‌ഡേറ്റ് ചെയ്യുക, പ്രൊഫൈല്‍ പിക്ചര്‍ മാറ്റുക, ദൈര്‍ഘ്യമേറിയ സന്ദേശങ്ങള്‍ ടൈപ്പ് ചെയ്യുക തുടങ്ങിയ വാട്‌സാപ്പ് വെബില്‍ എളുപ്പമായിരിക്കും. 
വാട്‌സാപ്പ് ആപ്ലിക്കേഷനിലെ വീഡിയോ കോള്‍ ഓഡിയോ കോള്‍ ഒഴികെ ഒട്ടുമിക്ക സൗകര്യങ്ങളും വാട്‌സാപ്പ് വെബിലും ലഭ്യമാണ്. കൂടാതെ ഫെയ്‌സ്ബുക്ക് അടുത്തിടെ അവതരിപ്പിച്ച മെസഞ്ചര്‍ റൂംസ് സേവനം വാട്‌സാപ്പ് വെബിലും മൊബൈല്‍ ആപ്പിലും ഒരുപോലെ ലഭിക്കും. കൂടാതെ ഡാര്‍ക്ക് മോഡും വെബ് പതിപ്പില്‍ താമസിയാതെ എത്തും. 
വാട്‌സാപ്പ് വെബ് സ്വതന്ത്രമായി ഉപയോഗിക്കാന്‍ സാധിക്കില്ല എന്നതാണ് ഒരു പരിമിതി. അതായത് മൊബൈല്‍ ആപ്ലിക്കേഷന്‍ ഇന്റര്‍നെറ്റുമായി ബന്ധിപ്പിച്ചിട്ടില്ലെങ്കില്‍ വാട്‌സാപ്പ് വെബ് ഉപയോഗിക്കാന്‍ സാധിക്കില്ല. വാട്‌സാപ്പ് വെബ് ഉപയോഗിക്കാന്‍ ഫോണ്‍ എപ്പോഴും കയ്യിലുണ്ടായിരിക്കണം. 

Wednesday 10 April 2019

Akshaya Centre


പൊതുജന  താല്പര്യാർത്ഥം !!

1 .https://edistrict.kerala.gov.in

അവിടെ  ചെയ്യുന്ന  എല്ലാ  കാര്യങ്ങളും  നിങ്ങള്ക്ക്  സ്വന്തമായി  ഈ  വെബ്സൈറ്റ്  വഴി  ഒരു  ലോഗിൻ  അക്കൗണ്ട്  ഉണ്ടാക്കിയ  ശേഷം  നിങ്ങള്ക്ക്  തന്നെ  ചെയ്യാം . നിങ്ങളുടെ  അപ്പ്ലിക്കേഷനുകളിൽ കൂടുതൽ  വിവരങ്ങൾ  നിങ്ങളിൽ  നിന്ന്  ആവശ്യമുണ്ടേൽ  ബന്ധപ്പെട്ട  ഓഫീസർമാർ   കമെന്റ്സ്  സെക്ഷനിൽ  അത്  രേഖപ്പെടുത്തും , ആവശ്യമുള്ള  സെര്ടിഫിക്കറ്റുകൾ  നിങ്ങള്ക്ക്  വീണ്ടും  അപ്‌ലോഡ്  ചെയ്യാം .

Saturday 30 March 2019

YONO CASH

*YONO CASH*

ഇന്ത്യൻ ബാങ്കിങ് രംഗത്ത് SBI തുടങ്ങി വെക്കുന്ന വിപ്ലവകരമായ മാറ്റമാണ് YONO CASH

*ഉപയോഗങ്ങൾ*

1. സ്വന്തം മൊബൈൽ കയ്യിലുണ്ടെങ്കിൽ ഇന്ത്യയിലെ ഏത് SBI ATM ൽ നിന്നും നമുക്ക് പണം പിൻവലിക്കാം. പേഴ്സ് മറന്നു പോയി ATM മറന്ന് പോയി എന്നുള്ള ടെൻഷനുകൾ ഇനി വേണ്ട.

2.നമ്മുടെ പ്രിയപ്പെട്ടവർക്ക് പണം അയച്ചു കൊടുക്കുവാൻ ഇനി അക്കൗണ്ടോ ട്രാൻസ്‌ഫെറോ ഒന്നും വേണ്ട.

*ഇതൊക്കെ എങ്ങനെയെന്ന് നോക്കിയാലോ ?*

1.YONO APP open ചെയ്യുക
2.അതിലെ home page ൽ തന്നെ താഴെയായി ഉള്ള  yono cash എന്ന option click ചെയ്യുക
3.Enter amount (500ന്റെ multiples മാത്രം)
4.ഇപ്പോൾ 6 അക്കമുള്ള ഒരു രഹസ്യ നമ്പർ നൽകാൻ app ആവശ്യപ്പെടും
5.I agree option tick ചെയ്ത് confirm നൽകുക.

*"സംഭവം കഴിഞ്ഞു"*

ഉടൻ തന്നെ 6 അക്കമുള്ള ഒരു transaction number കൂടി നമുക്ക് SMS ആയി ലഭിക്കുന്നതാണ്.

*ഇനി ATM ൽ ചെയ്യേണ്ടത് നോക്കാം*

1.ATM സ്‌ക്രീനിൽ വലത് വശത്തു താഴെയായി കാണുന്ന yono cash or Card Less txn എന്ന  option click ചെയ്യുക.
2.SMS ആയി ലഭിച്ച transaction number നൽകുക.
3.തുക നൽകുക (മുഴുവൻ തുകയും ഒരുമിച്ച് മാത്രമേ എടുക്കാൻ കഴിയൂ)
4.APPൽ  നമ്മൾ ഉണ്ടാക്കിയ 6 അക്ക രഹസ്യ നമ്പർ നൽകുക.
5.confirm ചെയ്യാൻ Yes കൊടുക്കുക.

*"Collect your cash from ATM"*

*പരിധികളും ചാർജുകളും*

1.നിലവിൽ yono cash നു യാതൊരുവിധ ചാർജുകളും ബാങ്ക് ഈടാക്കുന്നില്ല.
2.500 ന്റെ ഗുണിതങ്ങളായ തുക മാത്രമേ പിൻവലിക്കാൻ കഴിയൂ.
3.ഒരു തവണത്തെ പരമാവധി തുക 10,000 രൂപയും ഒരു ദിവസത്തെ പരമാവധി തുക 20,000 രൂപയും ആണ്.
4.ഓരോ ട്രാന്സാക്ഷനും App ൽ ചെയ്ത് ,30 മിനിറ്റ് വരെയാണ് ATM ൽ നിന്ന് എടുക്കാൻ കഴിയുന്നത്.

*പരിമിതികൾ*

1
.ATM CARD issue ആയ അക്കൗണ്ടിൽ നിന്ന് മാത്രമേ yono cash വഴി പണമെടുക്കാൻ കഴിയൂ.

.Partial withdrawal not allowed.Yono app ൽ ചെയ്‌ത അതെ തുക തന്നെ  ആണ് ATM ൽ നൽകേണ്ടത്.

*ഒരു പ്രധാന സംശയം*

Yono cash വഴി  ചെയ്യുകയും ചെയ്‌തു 30മിനിറ്റിനുള്ളിൽ ATM ൽ പോയി പണം എടുക്കാനും സാധിച്ചില്ല.ഇനി cash തിരിച് കിട്ടാൻ ബാങ്കിൽ പോയി പരാതി കൊടുക്കേണ്ടി വരുമോ??

Yono cash വഴി ചെയ്യുന്ന txn ൽ ATM ൽ നിന്ന് പണം എടുക്കുമ്പോൾ മാത്രമേ അക്കൗണ്ടിൽ അത് debit ആകുകയുള്ളു.അതിനാൽ യാതൊരു വിധ ടെൻഷനുകളും വേണ്ട.

*എന്ത് കൊണ്ട് YONO CASH സുരക്ഷിതം*

1. ATM Card ഉപയോഗിച്ചുള്ള ഇടപാട് അല്ലാത്തതിനാൽ ഒരു രീതിയിലും നമ്മുടെ വിവരങ്ങൾ ATM ൽ നിന്ന് മറ്റുള്ളവർക്ക് ചോർത്താൻ കഴിയില്ല.
2.ഓരോ ട്രാന്സാക്ഷനും  വേറെ വേറെ രഹസ്യ നമ്പറുകൾ ആയതിനാൽ safety വീണ്ടും കൂടുന്നു.
3.ATM card ,PIN ഇവയെ പറ്റി ചിന്തിക്കേണ്ടി പോലും വരുന്നില്ല.

*ഒരു real life ഉദാഹരണം കൂടി*

ആന്ധ്രയിൽ പഠിക്കാൻ പോയ മകൾ പേഴ്സും അതിലുള്ള ATM ഉം ക്യാഷും നഷ്ടപ്പെട്ട് വഴിയിൽ കുടുങ്ങിയിരിക്കുകയാണ്. അത്യാവശ്യമായി പണം കുട്ടിക്ക് എത്തിക്കുകയും വേണം.??

Yono cash ലൂടെ നമുക്ക് ഒരു മാർഗം നോക്കാം

Yono app വഴി ചെയ്ത് ലഭിച്ച രഹസ്യ നമ്പരും txn നമ്പരും തുകയും  കുട്ടിക്ക് പറഞ്ഞു കൊടുക്കുക. എല്ലാ നാട്ടിലും SBI ATM ഉണ്ട്. കുട്ടിക്ക് മിനിറ്റുകൾക്കുളിൽ ആ പണം ATM ൽ നിന്ന് ലഭിക്കുന്നു.

Sunday 14 October 2018

*ഈ 10 കാര്യങ്ങൾ ഉടൻ തന്നെ സ്മാർട്ഫോണുകളിൽ നിന്നും ഇല്ലാതാകും!!*


സ്മാർട്ഫ്നുകളിൽ നിത്യേനെയെന്നോണം വ്യത്യസ്തങ്ങളായ പല പുതിയ സൗകര്യങ്ങളും സവിശേഷതകളും വന്നുകൊണ്ടിരിക്കുകയാണല്ലോ.. ഫിംഗർപ്രിന്റുംഫേസ് അൺലോക്കും തുടങ്ങി നാലും അഞ്ചും ക്യാമറകളിൽ വരെയെത്തിനിൽക്കുന്നു കാര്യങ്ങൾ. ഇത്തരത്തിലുള്ള മാറ്റങ്ങളിലൂടെ പണ്ട് നമ്മുടെയൊക്കെ ഫോണുകളിൽ ഉണ്ടായിരുന്ന നമ്മൾ നിത്യമായി ഉപയോഗിച്ചുകൊണ്ടിരുന്ന പല സൗകര്യങ്ങളും അപ്രത്യക്ഷമായിക്കൊണ്ടിരിക്കുകയാണ്. ഇതുപോലെ നാളെ എന്തൊക്കെയായിരിക്കും നമ്മുടെ സ്മാർട്ഫോണുകളിൽ നിന്നും ഇല്ലാതാക്കുക എന്ന് നോക്കുകയാണ് ഇന്നിവിടെ.

*ഫിംഗർപ്രിന്റ് സ്‌കാനർ*

ഇത് ഇപ്പോൾ തന്നെ പല ഫോണുകളിൽ നിന്നും അപ്രത്യക്ഷമായിട്ടുണ്ട്. പകരം ഫേസ് അൺലോക്ക്, ഇൻ ഡിസ്പ്ളേ ഫിംഗർപ്രിന്റ് സെൻസർ എന്നിവയാണ് പുതിയ അൺലോക്കിങ് സംവിധാനങ്ങളിൽ മുന്നിട്ട് നിൽക്കുന്നത്. ആപ്പിളിന്റെ പുതിയ ഫോണുകളിൽ ഫിംഗർ പ്രിന്റ് സ്‌കാനർ ഇല്ല എന്നതും ഒപ്പോയും വിവോയും പോലുള്ള കമ്പനികൾ ഇൻ ഡിസ്പ്ളേ സ്മാർട്ഫോണുകൾ അവതരിപ്പിച്ചതും ഇതിലേക്ക് ചേർത്ത് വായിക്കാം.
  
*ഹെഡ്‍ഫോൺ ജാക്ക്*

പരമാവധി ഫോണുകൾ സ്ലിം ആക്കുന്നതിന്റെ ഭാഗമായാണ് ഇത്തരം പല പരിഷ്കാരങ്ങളും ഫോണുകളിൽ നടത്തുന്നത്. അതിൽ പ്രധാനപ്പെട്ട ഒന്നാണ് ഹെഡ്‌ഫോൺ ജാക്ക്. വരാനിരിക്കുന്ന വൺപ്ലസ് 6Tയെല്ലാം ഇത്തരത്തിൽ 3.5 എംഎം ഓഡിയോ ജാക്ക് ഇല്ലാതെയാണ് എത്തുന്നത്.

*സിം കാർഡ് സ്ലോട്ടുകൾ*

സിം സ്ലോട്ടുകൾ വൈകാതെ തന്നെ സ്മാർട്ഫോണുകളിൽ നിന്നും അപ്രത്യക്ഷമാകും എന്ന കാര്യം സൂചിപ്പിക്കുന്നതാണ് ആപ്പിളിന്റെ പുതിയ ഈ സിം പിന്തുണയുള്ള ഇരട്ട സിം മോഡൽ. വൈകാതെ തന്നെ സ്മാർട്ഫോണുകളും ഈ മാതൃക സ്വീകരിക്കുമെന്ന് പ്രതീക്ഷിക്കാം. നമ്മുടെ രാജ്യത്ത് നിലവിൽ ജിയോയും എയർറ്റലും മാത്രമാണ് ഇ സിം പിന്തുണയ്ക്കുന്നത്. വൈകാതെ തന്നെ മറ്റു കമ്പനികളും ഈ കടന്നേക്കും.
  
*മെമ്മറി കാർഡ് സ്ലോട്ടുകൾ*

അടുത്തതായി ഫോണുകളിൽ നിന്നും ഉടൻ ഇല്ലാതാകാൻ പോകുന്ന ഒന്നാണ് മെമ്മറികാർഡ് കാർഡ് സ്ലോട്ടുകൾ. ഇപ്പോൾ തന്നെ 512 ജിബി വരെ മെമ്മറിയുള്ള ഫോണുകൾ വിപണിയിൽ ഉണ്ട്. ഈ സ്ഥിതി തുടരും എന്നുറപ്പുള്ളതിനാൽ മെമ്മറി കാർഡ് സ്ലോട്ടുകൾ വൈകാതെ തന്നെ ഫോണുകളിൽ നിന്നും അപ്രത്യക്ഷമാകും എന്നുറപ്പിക്കാം.
  
*സാധാരണയുള്ള ഫോൺ ചാർജറുകൾ*

വളരെ പെട്ടന്നല്ലെങ്കിലും ഭാവിയിൽ ഇല്ലാതാകാൻ പോകുന്ന മറ്റൊന്നായിരിക്കും സാധാരണയുള്ള ഫോൺ ചാർജറുകൾ. വയർലെസ്സ് ചാർജ്ജാറുകളുടെ വരവ് തന്നെയാണ് ഇതിന് കാരണം എന്നത് പ്രത്യേകം പറയേണ്ടതില്ലല്ലോ.

*സ്പീക്കറുകൾ*

വിവോ നെക്സ നെക്സ് ഫോൺ ഉപയോഗിക്കുന്നവർക്ക് അറിയാൻ പറ്റുന്ന ഒരു കാര്യമാണ് ഇയർ സ്പീക്കറുകൾ ഫോണിലെ ഡിസ്പ്ളേക്ക് ഉള്ളിൽ തന്നെയാണ് ഉൾക്കൊള്ളിച്ചിരിക്കുന്നത് എന്നത്. ഈ വൈദ്യം കൂടുതൽ പരിഷ്കരിക്കപ്പെടുകയാണെങ്കിൽ ഒരുപക്ഷെ നാളെ സ്‌പീക്കറുകളും ഇതുപോലെ ഡിസ്പ്ളേക്ക് ഉള്ളിൽ തന്നെ ആയേക്കും.

*വോളിയം ബട്ടണുകൾ*

അടുത്തതായി അപ്രത്യക്ഷപ്പെടാൻ സാധ്യതയുള്ള ഒന്നാണ് ഫോണിലെ വോളിയം ബട്ടണുകൾ. ഇതിന് പകരമായി ഒരേപോലെ പവർ ബട്ടൺ ആയും വോളിയം കീ ആയും ഉപയോഗിക്കാൻ പറ്റുന്ന പവർ ബട്ടണുകൾ എത്തും.

*നിലവിലുള്ള ഫോൺ ഡിസൈൻ തന്നെ മാറിയേക്കും*

ഇന്ന് നിലവിലുള്ള ഫോണുകളുടെ ബാർ ഫോർമാറ്റ് തന്നെ ഒരുപക്ഷെ നാളെ ഇല്ലാതായേക്കാം. ഈ ആശയത്തിന് കറുത്ത കരുത്ത് പകരുന്നതാണ് ഇന്ന് നടക്കുന്ന മടക്കാനും വളയ്ക്കാനുമെല്ലാം പറ്റുന്ന ഡിസ്പ്ളേകളുടെ പരീക്ഷണങ്ങൾ.
  
*ഇയർപീസ് സ്പീക്കറുകൾ*

ഇയർപീസ് സ്പീക്കറുകൾ ഇൻ ഡിസ്പ്ളേ സ്പീക്കറുകളുടെ വരവോടെ ഇല്ലാതാകാൻ സാധ്യതയുള്ള മറ്റൊന്നാണ്. അതും ഫോണുകളുടെ ഏത് ഭാഗത്തു നിന്നും ശബ്ദം കേൾക്കാൻ പറ്റുന്ന രീതിയിൽ ആവും ഉണ്ടാവുക.
  
*ഒറ്റ ക്യാമറ*

ഇത് ഇപ്പോൾ തന്നെ അപ്രത്യക്ഷമായി വരുന്നുണ്ട്. ഒന്നിന് പകരം ഒന്നും രണ്ടും മൂന്നും നാലും വരെ ക്യാമറകളാണ് ഇപ്പോൾ ഫോണുകളിൽ ഉള്ളത്. ഇത് തുടരുന്ന സ്ഥിതിക്ക് ഒറ്റ ക്യാമറയുള്ള ഫോണുകൾ ഉടൻ തന്നെ അപ്രത്യക്ഷമാകും എന്നതിൽ യാതൊരു സംശയവുമില്ല.